Како да допреме до свеста на нашите ученици за да ја согледаат важноста од зачувување на планетата Земја-единствениот наш дом?
Водени од оваа идеја, предметните наставници по географија Санела Тренова, македонски јазик Иванка Тодорова Милошевска и француски јазик Бојана Наумова Радосавлевиќ во нашето училиште одржаа интегриран час каде што основни цели беа:
– подигање на свеста за важноста од зачувување на планетата Земја
– подигање на свеста за штетноста од загадувањето на планетата Земја
– посочување практични примери преку кои учениците ќе водат сметка за заштита на животната средина
– креативно изразување на учениците преку преплетување на различни предмети
– истражување како луѓето во светот ја заштитуваат животната средина.
Учениците во нашето училиште со своите трудови придонесоа за достојно одбележување на денешниот значаен ден во светски рамки и иако можеби ова е само капка во морето, секој чекор којшто го правиме е важен. Посебно кога знаеме дека нашите ученици се идните носители и двигатели во секое општество. Од нив зависи што ќе се случува во светот во иднина. Затоа вложуваме максимални напори да им укажеме на што да внимаваат, што да прават, а што да избегнуваат да прават ако сакаме уште долго да останеме во овој наш дом-планетата Земја.
Дел од трудовите на нашите ученици во форма на пишан збор ќе ги погледнете во делот Е-настава- Светски ден на планетата Земја, на следниов линк: