Menu
КОДЕКС НА ОДНЕСУВАЊЕ НА УЧЕНИЦИ ВО УЧИЛИШТЕТО
- Ученикот е должен навреме и редовно да доаѓа на настава како и да ги извршуваат сите обврски утврдени со Годишната програма на училиштето;
- Ученикот е должен да се грижи за училиштниот простор и имот;
- Ученикот е должен да се грижи за хигиената во училиштето и блиската околина;
- Во училиштето ученикот треба да биде совесен, одговорен, со должно почитување кон сите;
- Во училиштето учениците треба да доаѓаат уредни;
- На часовите ученикот треба внимателно да слуша и навреме и целосно да ги извршува училишните обврски;
- Да придонесе за одржување на работната атмосфера;
- Ученикот е должен редовно да носи училиштен прибор, учебници и тетратки;
- Да соработува со наставниците, стручната служба и другите субјекти во училиштето;
- Да покаже почитување и толеранција кон другарите и наставниците;
- Да помага на помалку успешните ученици;
- Ученикот не смее самоволно и без вистинска причина да го напушти часот;
- Ученици, избегнувајте недолично однесување;
- Учениците не смеат да користат мобилни телефони за врема на часовите;
- Забрането е и казниво да се снима со мобилен телефон, да се снимаат ученици или пак тепачки помеѓу нив;
- Учениците не треба да носат вредни предмети и повеќе пари во училиште, а доколку им се загубат одговорноста е нивна;
- На часовите не е дозволено да се џвакаат мастики, како и истите да се лепат на клупите и столчињата;
- Отпоздрави го наставникот кога ќе влезе во училница;
- За време на часот не излегувај во тоалет;
- Престојувај во училишниот двор за време на големиот одмор освен во случај кога временските услови се несоодветни;
- Не викај по ходниците, не трчај, придржувај се кон правилата на однесување;
- Не приговарај на опомените на дежурните наставници и ученици;
- Ако во дворот видиш отпад фрли го во корпа за отпадоци;
- Штом го слушнеш ѕвончето веднаш влези во училницата;
- Не ги навредувај и не се однесувај насилно кон помалите и послабите ученици;
- Ученикот не смее да врши психичко и физичко малтретирање на учениците и вработените во училиштето;
- Дежурството во училницата го изведуваат двајца ученици кои се менуваат на неделно ниво;
- Кога наставникот зборува не го прекинувај;
- Обраќај им се со ВИЕ на возрасните;
- Користи молам, благодарам, повели, извини во секојдневната комуникација;
- Поздравувај со добро утро, добар ден и до видување;
- Не користи вулгарни зборови кога комуницираш;
- Почитувај ги правилата кои сте ги договориле со наставникот;
- Не носи предмети со кои би можеле да повредите други ученици;
- Покажи толеранција кон соучениците во комуникацијата;
- Искажи го секое незадоволство со одбрани и пристојни зборови;
- Биди самокритичен па потоа критикувај;
- Чувај ги своите предметии не посегнувај по туѓите;
- Не ги потценувај способностите на своите соученици;
- Сослушај го внимателно и почитувај го мислењето на другиот;
- Почитувај ги различните од тебе;
- Истакни ги позитивните особини кај себе со постапки, а не со зборови;
- Ако не се однесусваат добро со тебе, БИДИ ПРВ кој тоа ќе го промени и однесувај се ти на вистински начин – ПРИСТОЈНО;
- Учтивоста е особина која ја краси твојата личност, затоа однесувај се учтиво во секоја прилика;
- Со своето примерно однесување ќе покажеш почит и кон своите родители;
- Биди искрен со своите родители, дури и да згрешиш, тие ќе имаат разбирање за твоите постапки;
- Редовно информирај ги родителите за случувањата во училиштето;
- Ученикот задолжително треба на родителот да му ги пренесува информациите по барање на наставникот;
КОДЕКС НА ОДНЕСУВАЊЕ НА РОДИТЕЛИТЕ ВО УЧИЛИШТЕТО
Родители:
- Должни сте своето дете редовно да го праќате во училиште;
- Почитувајте го куќниот ред на училиштето;
- Редовно информирајте се за постигнатиот успех и поведение на вашето дете;
- Соработката со училиштето треба да биде редовна, а не само на крајот на првото полугодие или на крајот на учебната година;
- Редовно исполнувајте ги обврските што ги имате кон училиштето (материјални обврски, оправдување на отсуства од часовите на учениците, консултации со наставниците и сл);
- Задолжително присуствувајте на родителските средби во училиштето;
- Почажете почит кон училиштето со помагање во остварувањето на воспитниот процес и планираните задачи, како и во настојувањето да се подобрат условите за работа;
- Во контактот со наставниците, родителот треба да покаже почит, физичките и вербалните напади се забранети;
- Придржувајте се кон термините на наставниците кои се предвидени за индивидуални разговори кои се истакнати на видно место во холот за предметна настава и пред училниците на одделенска настава;
- Не престојувајте во ходниците, пред училниците за време на часовите, ниту смее да се попречува наставата по било која основа без претходна најава кај стручна служба или директор;
- Училиштето е воспитно-образовна институција во која се влегува со пристојна облека;
- Имајте на ум дека Вашите постапки се пример за однесување на Вашето дете;
КОДЕКС НА ОДНЕСУВАЊЕ НА НАСТАВНИЦИТЕ ВО УЧИЛИШТЕТО
- Обврска на наставниците да држат часови по редовна, дополнителна, додатна настава и слободни ученички активности;
- Наставникот треба да се грижи за целиот училиштен простор и имот;
- Наставникот не смее да доцни на час;
- Наставникот треба да го почитува времетраењето на часот;
- Наставниците мора редовно да ја исполнуваат обврската за дежурство, кога е предвидена, со цел да се одржува безбедноста во училиштето, на голениот одмор и малиет одмори;
- Наставникот да ги евидентира отсутните ученици на почеток на часот и тоа да го прави редовно;
- Наставникот секогаш и секаде внимава на својот говор, тој треба да е литературен, коректен и јасен;
- Наставникот треба секогаш да е пример со својот изглед и своето однесување;
- На наставниците им е забрането да користат мобилни телефони за време на часовите, освен во итен случај кога е потребно да му се помогне на ученик;
- Наставникот не смее да се изложува во јавноста под дејство на алкохол и дрога;
- Секој наставник треба професионално да се усовршува преку следење на литература, посета на семинари, курсеви и користење на современа технологија;
- Наставникот е должен професионално да се однесува за време на часот, не е дозволено викање на учениците, не смеат да ги навредуваат, да ги исмејуваат, да ги дискриминираат учениците по било која основа и треба да се рамноправни кон сите ученици;
- Наставникот е должен да ја почитува личноста на секој ученик;
- Наставникот е должен реално да го оценува знаењето на ученикот без оглед на другите негови оценки;
- Наставникот треба да го пофалува секој напредок на ученикот;
- Наставникот треба да настојува ученикот навреме и квалитетно да ги извршува своите задачи;
- Наставникот не смее да го казнува ученикот телесно и да го малтретира психички;
- Наставникот е должен редовно да им помага на учениците, преку разни форми на активност;
- Во работата со учениците, наставникот мора да изрази толеранција, да им овозможи секаква помош која им е потребна и да ги охрабрува учениците;
- Секој наставник треба да настојува учениците пристојно и дисциплинирано да се однесуваат во училиштето и надвор од него;
- Наставникот треба редовно и навреме да го повикува и известува родителот за постигнувањата, однесувањето и проблемите на неговото дете;
- Наставникот треба да го упатува родителот на помош од компетентни лица, во ситуации кога за тоа има потреба;
- Наставникот треба да го почитува секој свој колега, да соработува, разменува мислења и искуства врзани за работата;
- Наставникот треба да се ангажира во работата на стручниот актив на кој припаѓа;
- Наставникот треба редовно да присуствува во работата на одделенскиот и наставничкиот совет во училиштето;
- Наставникот е должен да ги почитува одлуките од одделенскиот и наставничкиот совет;
- Наставникот е должен да присуствува на родителските средби и на отворените денови;
- Наставникот треба да е креатор на пријатна работна атмосфера и позитивна емоционална клима во својата училница;
- Наставникот треба да гради односи на меѓусебно разбирање, соработка, почитување со учениците и другите вработени;
- Наставникот треба секогаш да се залага за афирмација на својот предмет;
КОДЕКС НА ОДНЕСУВАЊЕ НА СТРУЧНА СЛУЖБА ВО УЧИЛИШТЕТО
- Стручните соработници во училиштето треба да ги извршуваат работните задачи што се во нивниот делокруг, а се во согласност со Законот за основно образование;
- Да го почитуваат куќниот ред во училиштето;
- Стручните соработници го почитуваат кодексот за наставниците;
- Стручните соработници треба да доаѓаат редовно и навреме на работното место;
- Стручните соработници се должни своите задолженија да ги обавуваат во континуитет, како и да се грижат за нормално одвивање на наставата и дисциплината кај учениците доколку тоа го побараат некои од наставниците.
- Стручните соработници треба совесно и самостојно да ја извршуваат својата работа;
КОДЕКС НА ОДНЕСУВАЊЕ НА ДИРЕКТОР ВО УЧИЛИШТЕТО
- Директорот треба да доаѓа редовно и навреме на работното место;
- Директорот е должен своите задолженија да ги обавува во континуитет;
- Директорот се грижи за целокупната работа на училиштето во текот на наставниот ден, за почитување на одредбите од Кодексите на сите субјекти во училиштето (ученици, родители, наставници, стручна служба и техничка служба);
КОДЕКС НА ОДНЕСУВАЊЕ НА АДМИСТРАТИВНИТЕ РАБОТНИЦИ ВО УЧИЛИШТЕТО
- Сектретарот треба да доаѓа редовно и навреме на работното место;
- Секретарот е должен своите задолженија да ги обавува во континуитет;
- Секретарот е задолжен за контрола на помошниот персонал и да врши проверка на хигиената во училиштето и училиштниот двор.
- Без потреба никој нема право да се задржува во просториите на администрацијата.
КОДЕКС НА ОДНЕСУВАЊЕ НА ТЕХНИЧКА СЛУЖБА ВО УЧИЛИШТЕТО
- Техничкиот персонал (хигиеничари) и хаусмајсторот се должни да го одржуваат училиштето, дворот и инвентарот во целосна исправност и подготвеност за непречено одвивање на воспитно-образовната работа;
- Техничкиот персонал да соработува со наставниците, стручните соработници и директорот и да се однесуваат во склад со потребите на наставата;
- Хигиеничарите се должни да ги исчистат просториите пред отпочнување на наставата како истата би се одвивала во нормални хигиенски услови;
- За време на одржувањето на наставата се должни после секој одмор да ги чистат ходниците, скалите, тоалетите, а задолжително после големиот одмор да се празнат корпите за отпадоци од секоја училница како и да се чисти училиштниот двор;
- Во своето работно време хаусмајсторот е должен секојдневно да врши проверка на инвентарот и секоја штета да ја отклони;
- Ако штетата не е во состојба да се отклони е должен на време да го запознае директорот и секретарот на училиштето;
- Хаус мајсторот е должен да се грижи за зелените површини во училиштето (косење на трева и друго хортикултурно уредување на дворот);
- Хаус мајсторот е и парно ложач и во грејна сезона се грижи за навремено и соодветно затоплување на просториите во училиштето;
- Хигиеничарите и хаус мајсторот се должни еднаш неделно (во понеделник) до директорот да достават извештај за хигиената и исправноста на инвентарот во училниците за кои се должни да ги одржуваат (пожелно е извештајот да биде во писмена форма).